مرحبا 🙋🏻♀️
لمدة ١٠ سنوات جربت أدير وأصمم مواقع وحسابات المشاريع أون لاين لنفسي ولأهلي، مشاريع افتراضية (منزلية) ومشاريع غير افتراضية. ومن تجربتي عرفت وتأكدت إن تصميم وادارة صفحات المشاريع أون لاين تعتبر مشروع بنفسه.
مرات ياخذ مني تصميم صورة أو ستوري انستقرام نص ساعة أو أكثر، خاصة لما أبحث عن محتوى واتأكد من تناسقه مع تصميم الصفحة وأهداف المشروع. لكن هذي الصورة الي اشتغل عليها تاخذ لايكات وتفاعل أكثر من باقي الصور، وبعض الزباين يكلموني خاص يسألون عن المصمم!
رغم الجهد الي ياخذه هالشغل إلا انه كان الجزء المفضل بالنسبة لي، الي اظهر فيه ابداعي وشغفي بالتصميم.
فقررت اني أشتغل في هالمجال وأركز طاقتي فيه، وبالمقابل أساعد كل شخص منكم على ان يوجه تركيزه ووقته لشغفه بإني أوفر تصاميم وقوالب جاهزة وبالتالي أختصر عليك الوقت والجهد الي يتطلبه التصميم والبحث وكتابة المحتوى. هذي غير التفاعل الحلو الي بتشوفه من المتابعين !
أتمنى لكم مشاريع مليئة بالحُب والنجاح
فاطمة
